VOV4.M'nông: Bơi 2/3 nuĭh ƀon lan Nhật Bản ŭch tĭng ăp trong nkra njrăng n'gang nuh srê Covid-19 bah Chính phủ Thủ tướng Nhật Bản Fumio Kishida. Aơ lah nău lôch jêh ôp suăng lor nău lư nchih ta nhật báo tăch rgâl Nikkei. Tĭng lôch jêh ôp suăng lor nău lư, rnoh ŭch kơl Chính phủ bah wa Kishida hŏ hao 65%, jêng lah hao rlău 4% rđĭl đah rnoh dja bah khay bah năp nơh. Bơi 61% rnoh nuĭh dơi ôp rnê uĕh da dê mpeh ăp njuat hăn njrăng n'gang nuh srê Covid-19 bah Chính phủ. Tâm rnôk rnoh nuĭh ntưp njêng săk mhe Omicron hao âk, wa Kishida kêng dŭt khay 11 mhe aơ hŏ mbơh du đêt trong nkra njrăng n'gang nuh srê, tâm nê geh nău Chính phủ Nhật Bản manh ntĭl mpông n'har bri đah nuĭh dak bah dih lăp tâm dak dja tâm 1 khay./.

Nuĭh rblang: Điểu Thân