VOV4.M'nông: Rnoh âk nuĭh kơl Chính phủ bah Thủ tướng Nhật Bản Fumio Kishida hŏ hao kloh lôch rnôk chính phủ dak dja mât kân lhăt n'har bri gay njrăng n'gang njêng săk Omicron bah kaman Sars Cov-2. Tĭng lôch jêh ôp uănh năl lư tă bah nhật báo Yomiuri, 1 tâm 4 nhật báo dâk bôk năp ta Nhật Bản ƀư, rnoh âk nuĭh kơl Chính phủ hŏ hao 62% rđĭl đah rnoh 56% bah khay bah năp nơh. Tâm rnoh dja, 89% rnoh nuĭh dơi ôp geh nău mĭn uănh năl uĕh da dê mpeh ăp trong njrăng n'gang nuh srê. Nhật Bản aƀaơ dôl an ƀư ăp njuat hăn mât kân nuh srê dơi uănh lah dŭt lhăt lam ntŭr neh kơp ntơm bah nar 29/11 mhe aơ, tĭng nê ntĭl lĕ rngôch mpông n'har bri đah năch pâl nđaih dak bah dih tâm 1 khay./.

Nuĭh rblang: Điểu Thân