VOV4.M’nông: Nar 19/7, Thái Lan năl geh 11.784 nuĭh ntưp Covid-19 mhe, nar tâl 4 mbro tât chông yôch, tâm rnôk dak dja dôl tâm rdâng đah nău tât dŭt châp ngăn bah ntơm tât aƀaơ. Dak dja hŏ năl geh tay 81 nuĭh khĭt mhe đŏng, n'hao lĕ rngôch nuĭh khĭt tă bah Covid-19 hao 3.422 nuĭh. Lĕ rngôch rnoh nuĭh ntưp Covid-19 ta Thái Lan tât aƀaơ hŏ hao tât 415.170 nuĭh đŏng. Mpôl kruanh kan dak si Thái Lan dôl ntrôl dăng gay nsrôih tŏng ăp vaccine gay rdâng lơh đah rơh tât nuh srê aƀaơ. Ta Indonesia, ăp bác sỹ hŏ kuăl đă chính phủ njong tay nău ntrŭnh mpă wêl ta gôl dak Java n'hanh Bali tâm rnôk rnoh nuĭh ntưp Covid-19 ăp nar hôm ta rnoh dŭt âk. Indonesia aƀaơ dôl lah tơm dŭt hô nuh srê Covid-19 ta nkual Đông Nam Á.Tâm 1 nar, dak dja năl geh 44.721 nuĭh ntưp SARS-CoV-2 n'hanh 1.093 nuĭh khĭt./.

Nuĭh rblang: Điểu Thân