VOV4.M'nông: Tĭng lôch jêh ôp suăng lor nău lư tă bah hãng Realmeter mbơh tâm nar 22/11, rnoh âk nuĭh kơl đah Tổng thống Hàn Quốc Mun Chê-in (Moon Jae -in) n'hanh đảng mât bôk hao tay lôch rnôk pơh bah năp nơh geh hŭch. Tĭng nê, rnoh ŭch kơl đah wa Moom Jae- In geh tât rnoh 39,5%, hao 2,2% rđĭl đah pơh bah năp nơh, rnoh âk kơl đah đảng Dân chủ mât bôk hao 1,8 điểm %, hao rnoh 30,3%. Tâm rnôk nê, đảng dâk lơh dŭt têh Quyền lực Nhân dân Hàn Quốc (PPP) dơn geh 41,2% rnoh ŭch kơl, hŭch 1,3 điểm % so rđĭl đah pơh bah năp nơh. Lôch jêh rơh ôp suăng lor nău lư dơi hãng Realmeter ƀư nsing tâm ôp nău rgop bah rlău 2500 cử tri, tâm 5 nar, ntơm bah nar 15 - 19/11, geh rnoh hŭch hao 2% n'hanh rnoh âk nsing nơm lah 95%.

Nuĭh rblang: Điểu Thân