VOV4.M’nông: Rơh rƀŭn gưl prêh trực tuyến mpeh nau rgâl mhe trôk nar yor Tổng thống Mỹ Joe Biden ƀư tơm geh ntơm ƀư tâm ôi lơ 22/4, đah nau râng bah rtđau kan tă bah 40 dak. Nau kan geh tâm 2 nar gay rƀŏng tât du nau nchrăp mpeh koh n’huch nau hôl khih tâm lam ntur neh. Tâm nau ntoh ngơi bah nơm, Tổng thống Mỹ Joe Biden mbơh Mỹ ton mra koh n’huch ngăn rnoh ndơ hôl khih ƀư duh jay bil tâm rach năm ba kơi, nkre ma kuăl jă ăp dak ndrel nsum ty rƀŏng tât nau rdâng đah nau rgâl mhe trôk nar. Tổng thống Biden kŏ mbơh du nkô̆ nau mhe bah Mỹ tât năm 2030 nê lah koh n’huch rnoh ndơ hôl khih ƀư duh jay bil ntơm 50 tât 52% rđil đah rnoh geh bah năm 2005./.

Nŭih rblang: H’Thi