VOV4.Mnông- Rơh rƀŭn nchră nuĭh kan gâl têh Sherpa bâh rmôt 20 n’gâng kan wăng sa hun hao n’hanh mhe ntoh bôk năp lam ntur neh G 20 lĕ ntơm pơk ta thủ đô Jakarta bâh Indonesia, nchră mpeh ntrong kan n’hanh ăp bôk nău kan Nghị sự bâh G20 năm 2022. Rơh rƀŭn nchră Sherpa geh ƀư tĭng trong tâm mâp sŏng dăng n’hanh trực tuyến đah nău tât râng bâh 38 đại biểu tât bâh 19 dak kan ndrel G 20, 9 ngih dak geh jă tât n’hanh 10 ntŭk kan lam ntur neh, tâm nĕ geh 23 đại biểu tât râng tâm mâp sŏng dăng ta thủ đô Jakarta. Tâm nău ntoh ngơi khlăy ta rơh rƀŭn nchră, kruanh n’gâng kan mbơh nău wăng sa Indonesia an gĭt, năm kan kruanh G20 bâh Indonesia năm 2022 lah rơh gay ma Indonesia mpơl nău kan leo kan đah lam ntur neh, ndơ̆ mbơh ăp ntrong kan na nê̆, ngăn lah tâm nău ndâk nsơm wăng sa lam ntur neh, njêng nău geh ueh an lĕ rngôch ăp ding, bâh Đông tât Tây, bâh Bắc tât Nam.

Nuĭh rblang: Thị Đoắt