VOV4.M’nông – Măng 9/1, Hội đồng Bảo trợ Prăk nkrem kon se Việt Nam (N’gâng kan Lao động-Thương binh n’hanh xã hội) ƀư bôk nău kan nghệ thuật “Yan puh an oh” rơh tal 15. Ntoh ngơi ta bôk nău kan, Groi Kruanh dak Võ Thị Ánh Xuân kơp dơn n’hanh rnê ăp nuĭh n’hâm kơl nuĭh, ăp nău ƀư lŏng bôk tôr bah ăp ngih pah kan, rmôt kan, êng nuĭh tâm n’hanh dak bah dih lĕ hăn ndrel, kơl tơm prăk nkrem gay mât uănh, njrăng n’gang kon se. Ta bôk nău kan, ăp ntŭk kan, doanh nghiệp, nuĭh lŏng bôk tôr lĕ an prăk kơl kon se nău rêh jêr jŏt tă bah Prăk nkrem kơl kon se Việt Nam, đah dĭng lĕ rnoh prăk rlău 104 rmen prăk. Tă bah 14 rơh ƀư, bôk nău kan lĕ rgŏ jă geh rlău 1 rbăn 200 rmen prăk n’hanh ntop kơl an nklăp 1 rkeh kon se tă bah ăp bôk nău kan êng êng. Bôk nău kan “Yan puh an oh” rơh tal 15, năm 2022, đah bôk nău “Yor Nar ôi taơ uĕh ang”, gay kơl kon se geh khuch yor chôt srê Covid-19.

Nŭih blang: Y Sưng Phê Ja