VOV4.Mnông-  Nar aơ, 17/9, ta Nga ntơm geh rơh săch kruanh lăp ta Duma ngih dak nĕ lah Hạ viện. Bâh ơm ôi, ăp ntŭk nklăch phiếu bôk năp lĕ geh pơk ta Kamchatka n’hanh Chukotka-nkual viễn Đông Nga. Tĭng nău dăn đă bâh ntŭk kan uănh nđôi n’hanh mât ndơ dŏng Nga, Ủy ban săch kruanh trung ương lĕ ntoch mông nar nklăch phiếu tay hôm pe nar 17,18 n’hanh 19/9. Nău aơ mbra kơl bah geh ntưp Covid-19, tâm nău nuh srê hôm nha geh ntưp âk. Duma ngih dak lah ngoăy tâm 2 viện bâh Quốc hội Liên bang, ntŭk kan lập pháp dŭt têh ta Nga. Hạ viện geh săch đah nău kan 5 năm tĭng du ntrong nsum:225 đại biểu-tĭng rnoh kơp đảng, 225 đại biểu êng-ta ăp nkual geh săch kruanh kan, 14 đảng mpeh mpôl chính trị lĕ mbơh dăn an rơh săch kruanh lăp kan ta Duma ngih dak.

Nuĭh rblang: Thị Đoắt