VOV4.M’nông: Lơ 22/4, ta Nkuăl ƀon têh Đà Lạt, UBND n’gor Lâm Đồng ndrel rđau kan ntŭk kan ntoh măt Ấn Độ tâm nkuăl ƀon têh Hồ Chí Minh nhŏ ƀư rƀŭn nchră “Nau geh jêng, nau ntuh kơl tâm n’gor Lâm Đồng ndrel tâm boh đah Ấn Độ tâm nau kan tuch tăm”. Ta nar rƀŭn nchră, ntoh măt rđau kan n’gor, wa Phan Văn Đa, Groi Kruanh UBND n’gor Lâm Đồng lah rjăp, rnôk aơ, ăp ntŭk kan tăch rgâl, rnăk ƀon lan tâm n’gor dôl ma ê nkra.

Rƀŭn nchră tâm boh nau kan tăch rgâl.

Tăch rgâl âk ntil ndơ geh rnoh khlay, tâm nê geh ăp ntil ndơ geh N’gangkan mât prăp nau geh êng Việt Nam pă săm ƀŭt kơp dơn âk ntil ndơ kơt lah byăp, kao, chè, cà phê ndrel âk ntil êng. Aơ lah nau ueh gay ăp ntŭk kan bah Lâm Đồng, nsum mpôl ăp ntŭk kan tăch rgâl bah n’gor ƀư ueh nau nkoch mbơh, pơk hvi nau tâm n’ur, tâm boh tuch tăm ndrel tăch rgâl ndơ đah ăp dak tâm lam ntur neh, tâm nê geh Ấn Độ, du dak rnôk aơ Lâm Đồng dôl uănh kâp ueh gay ma tăch ndrel rvăt ndơ./.

Nŭih rblang: H’Thi