VOV4.M’nông: Ta rơh rƀŭn nchră tal 3, 100% ntơh măt tâm ban đah nau moh săk bah 205 nŭih tă bah ntŭk kan, rmôt kan bah Trung ương tŏng nau dơi ân săch lăp kan tâm Quốc hội gưl 15. Rơh rƀŭn yor Uỷ ban Trung ương MTTQ Việt Nam ƀư ôi 15/4, ta Hà Nội. Jêh lôch nchră tal 2, tĭng rnoh mbơh bah Hội đồng săch kan neh dak, rnoh nŭih geh nchih moh săk tâm Trung ương ndrel n’gor lah 1.093 nŭih. Tâm nê, Trung ương 205 nŭih, n’gor 888 nŭih ndrel geh 75 nŭih ŭch dăn êng. Kơt ri, rnoh 2,19 nŭih mra geh du hê geh Quốc hội săch. Ta rơh nchră, ăp ntoh măt nsing tâm nau geh sŏk nau rgop bah cử tri tâm ntŭk gŭ đah nŭih ŭch dăn lăp gay ma mbơh, đă rgop ngăn. Ăp ntơh măt đă ƀư kloh nau mbơh nŭih ân geh săch kan gưl 15, ntoh nau ta rơh rƀŭn, Bí thư Trung ương Đảng, Kruanh Uỷ ban Trung ương MTTQ Việt Nam Đỗ Văn Chiến lah rjăp: rơh nchră tal 3 lah ngoai tâm ăp nau kan khlay, aơ lah tâm nchră n’glŏ dŭt, gay nchih ngăn moh săk njoăl ân hội đồng săch kan neh dak gay ƀư nau kan tay./.

Nŭih rblang: H’Thi