VOV4. M'nông: Rnâng kan HĐND n'hanh UBND n'gor Gia Lai ƀư Sa nkra Jay nchih nkah têl ơm yău HĐND n'hanh UBND cách mạng n'gor Gia Lai (lvang năm 1968- 1975) ta ƀon Tăng Lăng (xã Krong, nkuâl Kbang). Nkual têl ơm yău cách mạng lah ntŭk khlay tâm kăl e rdâng lơh cách mạng bah n'gor Gia Lai lvang năm 1955-1975.

  Ta aơ, ăp nhih pah kan bôk tơm bah n'gor hŏ gŭ kan du bông năm khay tâm lơh tâm su mprơh Mỹ kơl neh dak dŭt rgŭt n'gĭng; tâm nê geh nhih pah kan bah HĐND cách mạng n'hanh UBND cách mạng n'gor. Lôch rlău 2 khay an ƀư, jay hŏ ƀư lôch jêh n'hanh di rnôk Nkah ndray 46 năm Nar rklaih luh n'gor Gia Lai (17-3). Jay nchih nkah têl ơm yău HĐND n'hanh UBND cách mạng n'gor Gia Lai dơi ƀư tâm trôm jâng gung hvi rlău 1ha, đah lĕ rngôch rnoh prăk dŏng ƀư bơi 2 rmen prăk bah tơm prăk rgum rgop bah ăp mpôl kan, ăp doanh nghiệp./.  

Nuĭh rblang: Điểu Thân