VOV4.Mnông – Nkah gĭt 49 Năm nar rklaih đăp mpăn miền Nam, kơp ngoay neh dak, N’gor đoàn Gia Lai lĕ ƀư hăn sĭt tu tơm n’hanh sa nkra Rup ndah di tích lịch sử Mpôl druh ndăm ƀon lan Cách mạng n’gor Gia Lai lvang 1962-1975 ta ƀon Tăng Lăng (xă Krong, nkuăl Kbang). Jêh dăng bah ntrong leo tâm lơh năm 1960, n’gor Gia Lai jêng nkual rklaih đăp mpăn, nta an ntrong leo druh ndăm rchong hun hao dăng.

Sa nkra Rup ndah di tích lịch sử Mpôl druh ndăm nuĭh ƀon lan cách mạng n’gor Gia Lai

Bôk năm 1962, ngih pah kan N’gor đoàn dơi ndâk njêng gay rgum, ntĭm nti druh ndăm tâm rnglăp dâk rchăng n’gang rlăng rŭn in. geh âk rơh kơn cán bộ, đoàn viên, druh ndăm lĕ mpŏng ŭch, nsơr nting soan, nău rêh an neh dak aơ, rgop đah lam tahen, lam ƀon lan rklaih đăp mpăn n’gor nơm. Gay geh tay “du ntŭk uĕh” nti nti way ơm, N’gor đoàn lĕ rgŏ jă ăp nuĭh ndâk ƀư rup ndah di tích lịch sử ngih pah kan Mpôl druh ndăm ƀon lan cách mạng n’gor Gia Lai ta xă Krong. Ndơđâk ƀư ta rnoh neh 2.000 m2, đah dĭng lĕ prăk ntuh kơl rlău 600 rkeh prăk

Nuĭh rblang: Y Sưng Phê Ja