VOV4.M’nông: Tâm ndrôm săm ƀŭt ndrih nchră nau năm 2021, rơh bôk năp Nhật Bản nkah tât nau kan tigh nau lăp duk bah Trung Quốc tâm Senkaku/Điếu Ngư lah “tih luật lam ntur neh”. Ndrôm săm ƀŭt ndrih nchră nau 2021 mhe geh N’gâng kan nchră nau Nhật Bản mbơh lơ 27/4 ta rơh rƀŭn bah Chính phủ. Ndrôm săm ƀŭt ndrh nchră nau năm aơ nkah ngăn mpeh nau kan bah Trung Quốc tâm nkuăl dak lêng Biển Đông ndrel Hoa Đông, nkre lah rjăp “nau kan n’hao dăng n’hâm tahen lah nau mô ueh, ƀư êng pơk hvi, n’hao nau kan tahen, ƀư nau rgâl nau kan tâm nkuăl Biển Đông ndrel Hoa Đông jêng nau rvê ngăn đah nau rnă njrăng lam ntur neh ndrel nkaưl geh Nhật bản”. Kan nduih lah aơ n’hao lơn rđil Ndrôm săm ƀŭt ndrih nchră nau bah ăp năm bah năp. Ndrôm săm ƀŭt ndrih aơ nkah âk nau tâm boh đah Hàn Quốc ndrel Triều Tiên./.

Nŭih rblang: H’Thi