VOV4.M'nông: Tĭng ăp nuĭh khoa học Singapore, ăp n'glai vaccine kơi ntop chuh tay lah nău khlay gay n'hao rnoh dăng chŏl n'hanh n'hao nău dơi rdâng lơh tay ăp nău tât khuch bah kaman đah săk jăn. Tĭng giáo sư Ooi Eng Eong mpeh nhih nti dak si, Đại học Quốc gia Singapore, ân kơi ntop chuh tay gay n'hao nău dăng chŏl. Yơn lah, nuĭh khoa học dja njrăng đă ân mĭn uănh di tay na nê̆ ăp rmôt nuĭh dơi ntop chuh tay. Aƀaơ, nău mĭn bah ăp nuĭh khoa học ta nhih nti Đại học Quốc gia Singapore lah ăp nuĭh âk năm deh, nuĭh hŏ hŭch đêt dăng chŏl ân kơi ntop chuh ăp tŏng. Đah njêng săk mhe, ăp rnoh chuh ntop tay lah nău khlay gay dŭt đêt ƀư mbrơi tay nău ntưp rêng tâm ban kơt an ăp nuĭh ƀư njêng vaccine geh mông nar gay ƀư njêng du công thức an êng ma ntil Omicron, lah geh nău khlay./.

Nuĭh rblang: Điểu Thân