VOV4.M’nông: Ntŭk kan nkân njrăng srê Châu Âu-ECDC lơ 23/6 nkat tât dŭt khay 8/2021, kman ntil ma Delta mra geh tât 90% rnoh nŭih ntưp mhe ta Châu Âu ndrel ăp dak mra geh nau rdâng đah ăp ntil srê mhe. Nau nkah geh Giám đốc ntŭk kan nkân njrăng srê Châu ÂU-ECDC, wa Andrea Ammon ndŏ luh tâm nrôk ntil kman Delta dôl hao âk rnoh nŭih ntưp srê Covid-19 tâm dak Châu Âu. Rnôk aơ nau rvê ngăn tâm Anh, rnôk ma dak aơ geh rlau 11 rbăn nŭih ntưp mhe, tâm nê rlau 90% lah ntưp kman Delta. Bol ma geh nau khuch bah srê kơt Anh yơn tâm du đê̆ dak Châu Âu êng, kơt Đức, nkuăl mpeh ba dâng dak Pháp mô lah Thủ đô Lisbon bah Bồ Đào Nha, ntil kman Delta kŏ dôl ma ntưp ngăch./.

Nŭih rblang: H’Thi