VOV4. M'nông: Tâm pơh dja, tahen Ấn Độ n'hanh Trung Quốc nchrăp mbra ƀư rvăch tâm nchră tâl 11 ta gưl Tư lệnh quân đoàn ta n'har bri. Rơh hop dja ƀư lôch rnôk bar ding ƀư lôch jêh nău rhuăt tahen luh bah nkual n'glău dak Pangong ta mpeh luh nar neh dak liên bang Ladakh, Ấn Độ. Nkô̆ pah kan tâm rơh mâp bơi tât lah nău rhuăt luh bah nkual dor yôk Gogra, dâng sre Depsang n'hanh nkual Demchok. Rơh tâm nchră tahen dơi ƀư lôch rnôk ăp kruanh tâm boh dak bah Ấn Độ n'hanh Trung Quốc hŏ geh ăp rơh tâm nchră na nê̆ tâm pơh rlău aơ. Tâm pit neh dak đah bar dak ntơm bah khay 5/2020 ta mpeh luh nar neh dak liên bang Ladakh n'hanh ntoch jong tâm 10 khay./.

Nuĭh rblang: Điểu Thân