VOV4.M’nông: Nar ntri (6/5), Thứ trưởng Ngoại giao Nguyễn Quốc Dũng hŏ ndrel ăp Kruanh SOM ASEAN n'hanh nuĭh dơi kơl kan Ngoại trưởng Mỹ Atul Keshap râng tâm nchră ASEAN- Mỹ ăp năm tâl 34 dơi ƀư tĭng trong pơk sŏng dăng. Nuĭh dơi manh kơl kan Ngoại trưởng Mỹ Atul Keshap lah rjăp n'gâng kan Tổng thống Biden uănh khlay tâm boh rloh rlău jŏ jong đah ASEAN, ŭch tĭng nău khlay ƀư tơm bah ASEAN n'hanh nău mĭn bah ASEAN mpeh Ấn Độ Dương-Thái Bình Dương, ŭch rŏng n'hao dăng tâm boh ndrel ASEAN gay nkra ăp nkô̆ nău ntul rlong ndơ̆ luh. Tâm ôp mpeh nô nău dak bah dih n'hanh tâm nkual, ASEAN n'hanh Mỹ lah rjăp mbra tâm boh kan nsum lhăt tâm rgop mât đăp mpăn bah tâm lơh tâm su, rnă njrăng, đăp mpăn ta nkual, tâm nê geh rnă njrăng n'hanh đăp mpăn nchuăn rdeng dak lêng, trong dak lêng tơm me bah lam ntŭr neh./.

Nuĭh rblang: Điểu Thân