VOV4.M'nông: Tâm nchră gưl têh rmôt 20 dak wăng sa dâk bôk năp lam ntŭr neh G20 mhe mpôch dŭt ta thủ đô Roma, Italia. Tâm nău mbơh nsum dơi ndơ̆ luh, kruanh rđău kan G20 lah rjăp nău ŭch tĭng kơl âk bah ăp dak wăng sa têh lam ntŭr neh đah rơh rdâng lơh nuh srê Covid-19, mpơl na nê̆ ma nău ŭch ntrôl ngăch tâm pă vaccine lam ntŭr neh gay tât n'gul năm 2022, dŭt đêt 70% rnoh nuĭh lam ntŭr neh mbra dơi chuh vaccine njrăng n'gang Covid-19. Ƀư bơi ndrel du rơh đah Tâm nchră gưl têh mpeh rgâl duh nđik trôk nar bah Liên hiệp quốc COP26 jêng ăp rơh tâm nchră ta G20 mpeh rgâl duh nđik trôk nar dơi êng uănh khlay, yor rmôt ăp dak G20 âk tât 80% rnoh n'huk djơh n'gluh lam ntŭr neh. Tâm nău mbơh nsum, G20 hŏ mbơh nău mpơl dŭt di ma rhơn rnê rnôk n'gluh ăp nău ton âk mpeh rdâng lơh rgâl duh nđik trôk nar./.  

Nuĭh rblang: Điểu Thân