VOV4.M’nông: Nuĭh ntơh ngơi Bộ Ngoại giao Trung Quốc Triệu Lập Kiên rnê âk mpeh rơh rgum nchră đah Thứ trưởng Ngoại giao Trung Quốc Tạ Phong n'hanh nuĭh ndrel gưl kan mpeh Mỹ wa Oen-đi Sơ-mần ta Thiên Tân lah sŏng dăng, rah rơch, kơl bar ding gĭt wât kloh mpeh nău mĭn nsum, geh nkô̆ khlay uĕh an nău hun hao tâm boh Trung- Mỹ tâm rơh tât. Lah tâm rơh hop báo kêng măng nar 26/7, nuĭh ntơh ngơi Bộ Ngoại giao Trung Quốc Triệu Lập Kiên an gĭt, tâm rơh rgum nchră đah Thứ trưởng Ngoại giao Trung Quốc Tạ Phong n'hanh Thứ trưởng Ngoại giao Mỹ Oen-đi Sơ-mần ta Thiên Tân, mpeh Trung Quốc hŏ nkoch kloh nău mĭn bah dak dja mpeh ăp nkô̆ nău nchiăng khan tâm boh Trung- Mỹ, rlăch dun dăng nău Mỹ lăp rglah tâm nău kan êng bah Trung Quốc tâm ban kơt lơh khuch tât nău geh bah dak dja. Tâm rnôk nê, mpeh Mỹ ŭch rŏng Trung Quốc ŭch tĭng n'hanh tâm boh kalơ ăp trong kan kơt rgâl duh nđik trôk nar, nkô̆ nău hạt nhân Iran, nô nău ta gôl dak Triều Tiên...

Nuĭh rblang: Điểu Thân