VOV4.Mnông-Iran ŭch dơn ăp nău mât đăp mpăn bâh Mỹ mpeh nău nklơi jăng ăp ntrong rmal, uănh aơ lah nău kan tơm tâm nchră tal 8 geh nthoi tay ta nar 27/12 geh ƀư ta Viên dak Áo, đah ăp ding tât râng ký tâm ton hạt nhân năm 2015. Yơn lah, tâm nchră hạt nhân hôm  nha ê hŏ geh nău dơi na nê̆. Mỹ n’hanh ăp dak kan ndrel châu âu an lah, Iran lĕ mpŭng dơm mông nar ta ăp nău kan mô tâm di n’hanh geh rnôk hôm nha geh mbơh mông nar an ăp rơh tâm nchră lah tât bôk khay 2/2022. Ta nău rlơ̆ tay, Iran lĕ mô mĭn rvê ntôn ăp dak phương Tây kanŭng mpŏng uănh nău nduĭh mpôn ndơn an săch nchră nău đah dak bah dih ngăn ngên. Yơn nău Iran mbơh mô geh nău nchrăp ƀư n’hao urani rlău 60% n’hanh ăp ding mô nklơi rơh tâm nchră lĕ geh rnê lah geh nău nchrai n’hanh njêng nău kan mhe an ăp rơh tâm nchră ta Viên.

Nuĭh rblang: Thị Đoắt