VOV4. M’nông: Tâm nchră rkhăch tâl 2 tă bah Mpôl kruanh Ủy ban Trung ương MTTQ Việt Nam ƀư ôi 18/3 hŏ nchih săk lor bôk năp 205 nuĭh bah ăp nhih pah kan Trung ương dâk tâm rlong đại biểu Quốc hội khóa 15. Nău nchih mbơh săk nuĭh tâm rlong đại biểu Quốc hội khóa 15 ƀư ntơm bah nar 24/2 tât 14/3 mhe aơ. Đah nuih n’hâm răp jăp, geh nău tâm ban, ăp nhih pah kan dơi kan, mpôl kan, đơn vị ta Trung ương hŏ ƀư di, tŏng ăp njuat nchih mbơh săk nuĭh tâm rlong đại biểu Quốc hội khóa 15. Geh 205 tâm lĕ rngôch 205 nuĭh dơi nchih săk tâm rlong đại biểu Quốc hội khóa 15 geh 100% cử tri nsing nơm da dê. Ntơm bah săk nchih 205 nuĭh bah ăp nhih pah kan, mpôl kan, đơn vị ta Trung ương dơi nchih mbơh săk tâm rlong đại biểu Quốc hội khóa 15, đại biểu râng tâm nchră geh ăp nău rgop sŏng dăng, geh nău tâm di uănh năl mpeh rnoh di nuĭh ƀư đại biểu Quốc hội. Ta rnôk tâm nchră rkhăch tay, 100% Uỷ viên Mpôl kruanh Ủy ban Trung ương MTTQ Việt Nam geh măt hŏ n’hơr ti ŭch săk nchih bôk năp 205 nuĭh bah ăp nhih pah kan Trung ương dâk tâm rlong đại biểu Quốc hội khóa 15.

Nuĭh rblang: Điểu Thân