VOV4.Mnông – Tơm nău mhe Reuters (Anh) ndơ̆ nău bah N’gâng kan mât njrăng bri dak Mỹ an gĭt: Tàu uănh nđôi dak lêng Mỹ lĕ pănh 30 grăp phao lah lor jêh rnôk geh 13 tàu mpeh tâm Hải quân Rmôt Vệ binh Cách mạng Islam Iran (IRGCN) hăn dăch ta nkoel dak lêng Hormuz. Aơ lah rơh tal 2 kơp bah khay 4 tât aƀaơ chiến hạm Mỹ pănh lah lor rnôk saơ nău ƀư mô đăp mpăn bah tàu Iran tâm nkual. Nuĭh ntoh ngơi N’gâng kan mât njrăng bri dak Mỹ John Kirby an gĭt tàu tuần duyên Mỹ an đă pănh lah lor jêh rnôk ăp tàu cao tốc bah I Ran hăn êp nklăp ƀah knŭng 137 mét đah 6 chiến hạm Mỹ. Tĭng wa Kirby, tàu uănh nđôi dak lêng Mỹ lĕ dŏng phao máy têh grăp ndrăk 12,7 mm. Jêh nĕ, ăp tàu bah I ran lĕ hăn sĭt ntŭk êng. Tâm khay 4, du tàu tahen Mỹ lĕ pănh lah lor jêh rnôk 3 tàu bah Hải quân Rmôt Vệ binh Cách mạng Islam Iran tât êp ta nkual Vịnh Ba Tư.

Nuĭh rblang: Y Sưng Phê Ja