VOV4.M’nông: Công an n’gor Dak Lak mhe ƀư bôk nau kan tâm mâp măt vay ơm di nkah 90 năm nar ndâk Đoàn Druh ndăm Cộng sản Hồ Chí Minh (26/3/1931-26/3/2021). Ta nar nkah, ăp ntoh măt ndrel nkah tay nau vay 90 năm ndâk Đoàn TNCS Hồ Chí Minh, ndrel uănh tay ăp nuih n’hâm kan leo lor bah mom ndăm Công an n’gor tâm ăp nau kan, rgop nau mât đăp mpăn rnă njrăng, đăp mpăn nau rêh jêng tâm lam n’gor. Êng năm 2020, ăp ntŭk kan Đoàn tâm rmôt Công an n’gor ƀư 126 tŏ hăn kơl an tâm ăp ƀon lan, xã jru ngai đah rnoh prăk bơi tât 3 rmen, pă 23 nklâm ndơ “Kơl n’hâm oh hăn nti” ân kon se gêh nau rêh jêr jŏt, đah rnoh prăk rlau 82 rkeh, pă 20 rbăn bok put mbung ân ƀon lan njrăng rdâng srê Covid-19. Nkre bonh đă tâm rgop ntrơn leo 8 tấn ndơ, 420 rkeh prăk măt kơl an kônh wa Miền Trung geh nau khuch yor trôk nả lơh, râng yur mham geh bơi tât 600 đơn vị mham.

N’gor Đoàn Kon Tum an prăk kơl hăn nti an ăp oh kon hŏk gĭt blău nti

N’gor Đoàn Kon Tum mhe tâm rgop đah n’gâng kan ntĭm nti ƀư nar rgum “Kon se răm ngăch dăng- rƀŏng tât Đoàn”. Ta nar rgum, ăp oh kon hŏk dơi râng hăn tĭng nău ƀư Đội hăn ndrel rgum rƀŭn way ơm mbah rhơn nkah gĭt 90 năm Nar ndâk njêng Đoàn TNCS HCM (26/3); ƀư ăp nău njroh mprơ đah bôk nău sĭt ƀon tơm neh dak, mpeh way ơm bah Đoàn TNCS HCM n’hanh kon se rchong Việt Nam. Di rơh aơ, N’gor đoàn Kon Tum an 13 nklâm prăk kơl hăn nti an ăp oh kon hŏk gĭt blău nti tâm năm nti mhe rlău.

Nuĭh rblang: Y Sưng Phê Ja