VOV4. M’nông: Kađăch Thái Lan hŏ ŭch an nău ntăm an 4 ntŭk gŭ kan tâm chính phủ lôch rnôk 3 nuĭh kan tâm chính phủ geh nchŭt dôih tă bah geh râng ƀư tâm ăp rơh ƀư rŭng răng ta trong nkual ƀon têh tâm rơh năm 2013-2014. Nău n'glêh an hŏ dơi nchih mbơh ta Công báo Hoàng gia n'hanh geh nău tam lôch bah kơi nê dĭl.tĭng nê, Hạ nghị sĩ Chaiwut Thanakamanusorn, mpeh đảng Quyền lực Ngih dak ƀon lan (PPRP) dơi ntăm an ƀư Bộ trưởng wăng sa mbrô n'hanh rêh jêng kon nuĭh rgâl an wa Buddhipongse Punnakanta. Hạ nghị sĩ PPRP Trinuch Thienthong, dơi ntăm an ƀư Bộ trưởng Giáo dục rgâl an wa Nataphol Teepsuwan. Hạ nghị sĩ đảng Dân chủ Sinit Lertkrai, dơi ntăm an ƀư Thứ trưởng Thương mại rgâl an wa Weerasak Wangsuphakijkosol rgâl ƀư Thứ trưởng Giao thông gay rgâl an wa Thaworn Senneam. Nău mbơh ăp nuĭh kan mhe hŏ dŭt bah âk pơh nchroh gĭt lêng lang mpeh ăp nuĭh mbra rgâl 3 nuĭh kan n'gâng tơm tâm  Chính phủ Thái Lan.

Nuĭh rblang: Điểu Thân