VOV4.M’nông - Ta năp nu nău jêr jŏt bah rgâl ntil kaman Omicron, N’gâng kan ƀon lan Thủ đô New Delhi, Ấn Độ nar 30/11 lĕ ƀư rơh rƀŭn đah ăp kruanh N’gâng kan dak si gay nchrăp ăp trong nchrăp rdâng đah nău ntưp rêng bah ntil kaman aơ ta Ấn Độ. Ntoh ngơi ta rơh rƀŭn, Thủ hiến Delhi Arvind Kejriwal an gĭt, Thủ đô New Delhi lĕ nchrăp trong an rdâng tâm rnôk ăp nău klach rvê đah ntil kaman mhe nar lơ hao. Tĭng nĕ, n’gâng kan Delhi lĕ nchrăp 30.000 nsưng oxy gay săm ji, tâm nĕ geh 10.000 nsưng săm ji nuĭh mbăn. Ndrel đah nĕ, n’gâng kan ƀon lan dôl ntơm ndâk ƀư tay 6.800 nsưng săm nuĭh mbăn n’hanh mbra jêh tâm khay 2 năm 2022.

Nuĭh rblang: Y Sưng Phê Ja