VOV4.M’nông: Thủ tướng Australia Scott Morrison mra geh rơh tâm mâp ngăn bôk năp đah Tổng thống Mỹ Joe Biden êp rơh rƀŭn gưl prêh G7+ ta Anh tâm pơh tât. Tĭng nau mbơh geh báo điện tử ABC bah Australia mbơh lơ 2/6, Thủ tướng Scott Morrison mra geh rơh khâl tât Anh, Pháp ndrel Singapore tâm pơh tât. Ta Anh, Thủ tướng Morrison mra râng rơh rƀŭn bah ăp rđau kan 7 dak văng sa bôk năp lam ntur neh, hôm ntơ lah G7 geh: Mỹ, Nhật Bản, Anh, Pháp, Đức, Canada ndrel Italia, đah ăp dak kan nsum geh Ấn Độ, Hàn Quốc ndrel Australia. Nchrăp rơh rƀŭn G7+ rơh aơ ăp rđau kan mra rgum nchră ăp nau kan tâm boh gay ma rdâng srê Covid-19 ndrel ndâk tay nau văng sa lam ntur neh./.

Nŭih rblang: H’Thi