VOV4.M’nông – Thủ tướng Australia Scott Morrison lĕ geh rơh kuăl điện tâm nchră bôk năp đah Tổng thông Pháp Emmanuel Macron jêh rnôk tâm boh 2 dak duh jêr ndal tâm khay bah năp rnôk Australia mbơh mbra rwăt tàu mŭr hạt nhân tă bah Mỹ n’hanh Anh tâm rgop nkra njêng. Nău aơ an saơ tâm boh đah 2 dak ntơm dơi tâm rnglăp tay. Tâm rơh kuăl tâm nchră, Tổng thống Pháp Macron an gĭt “nău ntrŭnh êng bah Australia mpeh nău lôch jêh bôk nău kan tàu mŭr lĕ tâm ton đah Pháp mô knŭng chrai nău tâm boh nsing nơm ma hôm ƀư jêt tay nău tâm boh kan ndrel đah 2 dak”. Tổng thống Pháp Macron an lah aƀaơ hin “ăp nău mbra knơm tâm nău Australia dăn đă ăp nău ƀư na nê̆, geh nuih n’hâm chính trị gay mĭn tay jâng tơm nău tâm boh ăp ding n’hanh ăp nău ƀư ndrel tay ta nkual Ấn Độ Dương-Thái Bình Dương”.

          Nuĭh rblang: Y Sưng Phê Ja