VOV4.M’nông – Ôi nđaơ (17/3), Thủ tướng Nguyễn Xuân Phúc ƀư tơm rơh rƀŭn pơk sŏng dăng đah rnâng kan Chính phủ đah Ban ntĭm rđau ngih dak njrăng n’gang srê Covid-19 đah 63 n’gor, nkual ƀon têh mpeh nău uănh lah săk rnglăy trong kan njrăng n’gang srê khay bah năp, tâm nchră ăp trong mkra têh gay njrăng n’gang srê săk rnglăy khay tât. Ntoh ngơi ta rơh rƀŭn, Thủ tướng Nguyễn Xuân Phúc nkoch kloh, he lĕ nking n’gang tam ăp rơh srê ntưp rêng tâm ntŭk gŭ rêh tâm 1 năm, na nê̆ lah 14 khay bah năp. Nău nking n’gang Covid-19 bah dak he lĕ dơi lam ntŭr neh uănh lah prêh, dơi rnê ta âk rơh rƀŭn, trong mbơh nu nău. Tâm khay tât, nău uănh nđôi srê tĭng tâm âk nău hun hao vaccine. Yơn lah, ntŭk pă tăch vaccine nglăp rwăt hôm e đêt n’hanh vaccine tâm dak nchrăp an tât dŭt năm 2021 Việt Nam mư geh. Ta năp măt an mât uĕh ƀư ăp trong njrăng n’gang tĭng nău đă 5K, aơ lah ăp trong njrăng n’gang srê dơh nơih, wăng sa n’hanh săk rnglăy lvang aƀaơ.

Nŭih rblang: Y Sưng Phê Ja