VOV4.M'nông: Campuchia mbra jă Ngoại trưởng Myanmar tât khâl n'hanh Thủ tướng Hun Sen hŏ nchrăp  khâl Myamar tâm let năp tay. Nău mbơh dja dơi Thủ tướng Hun Sen mbơh gĭt ta n'gor Preah Sihanouk mhe aơ. Đah nău ƀư lah kruanh ASEAN năm 2022, Thủ tướng Campuchia Hun Sen dôl nsrôih ntrôl dăng tâm boh dak bah dih gay dơi geh rgâl an rơh duh jêr ta Myanmar. Thủ tướng Campuchia lah rjăp ASEAN tâm ban kơt chor jay nsum đah 10 dak lăp kan nsum n'hanh aƀaơ ân đăp mpăn tâm rnglăp ASEAN, tâm ban kơt nău khlay ƀư tơm bah hiệp hội đŏng. Kơp ntơm bah rnôk tahen hao mât bôk tâm rơh duh jêr chính trị tâm khay 2 năm 2021, Myanmar tŭp tâm rơh duh jêr lĕ mpeh wăng sa, chính trị n'hanh nuh srê. Ta năp nău rvah rvăch tâm dak kơt nê̆, Myanmar hŏ mô râng ăp tâm nchră gưl têh ASEAN mhe ƀư tâm khay 10, tâm ban kơt Tâm nchră ASEAN-Trung Quốc khay 11 mhe aơ. Nău dja mô dơn ƀư klach rvê mpeh ăp nău tât khuch đah nuĭh ƀon lan Myanmar, ma hôm đah lĕ rngôch ASEAN n'hanh lam ntŭr neh đŏng./.

Nuĭh rblang: Điểu Thân