VOV4.M’nông: Di rnôk Thủ tướng Phạm Minh Chính geh săch ƀư Thủ tướng Chính phủ dak Cộng hoà xã hội chủ nghĩa Việt Nam, lơ 20/4, Thủ tướng Singpapore Lý Hiển Long hŏ kuăl điện thoại rhơn, Thủ tướng Phạm Minh Chính lah ueh Thủ tướng Singapre hŏ njoăl săm ƀŭt ndrel kuăl điện thoại rhơn, ntoh nau ŭch tâm boh kan nsum đah Thủ tướng Lý Hiển Long gay ma ntrŭt dăng ueh lơn nau tâm boh tâm ăp nau kan nsum Việt Nam-Singapore tâm ăp nau kan.

 Thủ tướng Phạm Minh Chính kuăl điện ân Thủ tướng Singapre.

  Bar Thủ tướng ntoh nau rhơn bah năp ăp nhoat hun hao ueh tâm nau tâm boh 2 ding, bol ma geh ăp nau jêr yor srê Covid-19 lơh khuch. Bar Thủ tướng tâm ban nau n’hao nau tâm boh tâm ăp nau kan ma 2 ding geh nau dơi ndrel nau dăng kơt lah tơm prăk, công nghệ thông tin, tuch tăm, tui ka, ntĭm nti, ngih vâl gung trong…pơk hvi jêng ăp nau kan gay ma tŏng dơi nau ŭch bah ăp rơh cách mạng công nghiệp tal 4 kơt nau hun hao ŭnh nar ân kloh, đô thị ueh, rgâl mhe, văng sa mrô ndrel ƀư tĭng nau mhe, pă mbơh ăp nau tă blau nau kan mât ndrel hun hao văng sa, ntĭm nti, ngăn lah nŭih kan blau./.

Nŭih rblang: H’Thi