VOV4. M’nông: Kêng măng 23/3, ta nhih pah kan Chính phủ, Thủ tướng Nguyễn Xuân Phúc hŏ ƀư rơh hop đah Ƀan rđău đă nchih rgum n'hanh n'gluh dŏng Lịch sử Chính phủ Việt Nam. Mpeh ăp ndơ geh ƀư tơm bah Lịch sử Chính phủ Việt Nam (si ƀŭt, rup n'hanh phim), Bộ Nội vụ, nhih pah kan rnâng kan bah Ƀan rđău đă an gĭt, geh ndrôm si ƀŭt lĕ rngôch 4 tập (lah tập biên niên n'hanh tập Lịch sử Chính phủ Việt Nam ntơm bah 1945 tât 2015) nchrăp mbơh rblang ăp tŏng lam lĕ rngôch tâm năm 2021. Thủ tướng Nguyễn Xuân Phúc an gĭt, aơ lah ndrôm si ƀŭt sử khlay, ân ƀư di na nê̆. Nhih pah kan rnâng kan lah Bộ Nội Vụ, ăp nuĭh kơl lăp kan nsum geh nău dơi kan, ăp nhih pah kan dơi tâm pă ân grêt dêh, đăp mpăn săk di, rnoh ngăch, lơn lah ăp rơh tâm nchră, tâm rkhăch sŏk nău rgop rnâng kan, nuĭh khoa học, lơn lah nuĭh lăp kơl kan nsum Chính phủ rlău ăp rơh. Lôch rnôk geh Chính phủ năm kan mhe, Bộ Nội vụ ân dăp rgum tay ăp tŏng lam lĕ rngôch dĭl Ƀan rđău đă, kơi ntop n'hanh rgâl ăp nuĭh kơl lăp kan nsum rgâl ntŭk pah kan mô lah hŏ rlu ranh, đăp mpăn di nău way pah kan, rnoh ngăch nchih rgum./.

Nuĭh rblang: Điểu Thân