VOV4.M’nông: Bah năp nau tât nar lơn ma jêr bah srê Covid-19 dôl ma ntoh lơn mô ueh ndrel jêr rdâng, Thủ tướng Chính phủ Phạm Minh Chính hŏ geh nau ntrŭnh đă lŏ n’hao ân nâp nau kan njrăng, rdâng srê Covid-19. Nau ntrŭnh đă lah kloh: Ăp nau thơ tha, mô njrăng, mô tŏng nau kan, ƀư mô rjăp mpeh ăp nau ntrŭnh, nau rđau mpeh nau njrăng, rdâng srê ân geh uănh kloh mpeh nau kan bah rmôt ndrel săk nŭih gay ma rklaih ân rjăp tĭng nau ntrŭnh bah Đảng ndrel pháp luật bah Ngih dak. Thủ tướng đă ăp gưl, n’gâng kan, ăp nkuăl ân geh kơp, ntop, ƀư jêh ăp nau ntrŭnh mpeh nau njrăng, rdâng srê Covid-19 tĭng nuih n’hâm pă gưl kan jăp hăn nsum ma nau mêt uănh ndrel ƀư ân rjăp nau kan ân ăp gưl, ăp rmôt, ăp nkuăl nchrăp, blau, ueh, njrăng rdâng srê ân geh săk tam ngăn, nkre ndơn nau kan mpeh nau tă geh bah nau kan njrăng rdâng srê ndrel hun hao văng sa, rêh jêng tâm rnôk aơ./.

Nŭih rblang: H’Thi