VOV4.M’nông – Nar 10/10, Thủ tướng êp mô hôm săch bah dak Đức Algiela Merkel ntơm hăn khâl Ixrael. Aơ lah rơh khâl tal 8 n’hanh n’glêh dŭt bah wa Merkel tât Ixrael ta nău kan thủ tướng, tâm rnôk păng nchrăp mô săch. Tâm 16 năm bah năp, bu ur thủ tướng lĕ rgum nău tâm boh uĕh lăng đah ngih dak Do Thái. Thủ tướng Ixrael Naftali Bennett an gĭt, pơng n’hanh wa Merkel mbra tâm nchră ăp nău ntêt nkri n’hanh ntŭl rlong tâm nkual, lơn lah nău hạt nhân Iran n’hanh mât tay soan dăng bah Ixrael ta ăp nău kan. Tâm rơh khâl aơ bu ur thủ tướng Merkel mbra sŏk bằng tiến sĩ bah Học viện Công nghệ Haifas bah Ixrael. Wa mâp ăp nuĭh kruanh công nghệ bah Ixrael.

Nuĭh rblang: Y Sưng Phê Ja