VOV4.M’nông – Thủ tướng Israel Benjamin Netanyahu an lah đảng bah pơng lĕ dơi geh lôch uĕh têh tâm rơh săch ndâk njêng pháp luật ƀư tâm nar 23/3. Jêh rơh bôk năp bah rơh săch ndâk njêng pháp luật Israel an saơ Đảng Likud bah Thủ tướng Benjamin Netanyahu lĕ dơi geh 31 nuĭh, jêh nĕ lah đảng Yesh Atid đah 18 nuĭh. yơn lah, đah ntŭk kan aƀaơ, ăp nuĭh bên ngăn bah wa Netanyahu dơi geh dĭng lĕ 54 nuĭh tâm Quốc hội n’hanh hôm e 7 nuĭh nkôp đah rnoh ŭch gay ndâk njêng chính phủ mhe.  Rnoh phiếu mô tŏng dơi tâm rgop đah mpôl cánh hữu Naftali Bennett kruanh đảng Yamina gay ndâk njêng du rmôt ăp đảng chroh rƀŭn n’hanh cánh hữu. Lah nsrôih rgum tŏng rnoh nuĭh gay ndâk njêng chính phủ, ri aơ mbra lah rơh tal 7 tâm nău kan chính trị jŏ 3 rach năm bah wa Netanyahu.

Nuĭh rblang: Y Sưng Phê Ja