VOV4.M'nông: Bộ Y tế Lào tâm nar 4/6 mbơh dak dja năl geh tay 14 nuĭh ntưp ji mhe Covid-19. Tĭng Bộ Y tế Lào, rnoh nuĭh ntưp mhe Covid-19 tâm ƀon lan ta thủ đô Vientiane, Lào dôl geh trong rƀŏng hao âk, nkô̆ rnoh nuĭh ntưp plơ̆ âk tay lah tă bah du đêt nuĭh ƀon lan mô hŏ tĭng di nău way njrăng n'gang  nuh srê, jêng tât geh nău tâm ntưp chong cheng ƀư jêng lơn ma krit nji. Aƀaơ thủ đô Vientiane hôm mpă wêl tât lĕ nar 19/6 gay rdâng lơh nuh srê. Mhe aơ, Thủ tướng Lào Phankham Viphavanh hŏ đă lĕ rngôch nuĭh ƀon lan tĭng ƀư jăp ăp trong njrăng n'gang nuh srê Covid-19. Păng nchŏng luh du đêt nkô̆ nău jăch ndăn ân dơi nkra đŏng, lơn lah nău an ƀư nău ntrŭnh mpeh njrăng, n'gang Covid-19 ta du đêt n'gor hôm rbăn lhơ đŏng, mô hŏ tâm ban ŭch dơn ngoăy, lơn lah nău mĭn uănh lhơ bah du đêt nuĭh ƀon lan./.

Nuĭh rblang: Điểu Thân