VOV4.Mnông – Ntoh ngơi ta Văn phòng Chính phủ ôi 14/5, tâm nar bôk năp tâm nău kan Thủ tướng Hàn Quốc, wa Kim Boo-Kyum mbơh, mbra nsrôih tĭng nău rƀŏng tâm ban ŭch, tâm rnglăp rnoi mpôl, tâm rnôk neh dak dôl rdâng đah srê Covid-19. Nău kan Thủ tướng Hàn Quốc lĕ ntlơi nsoih bơi du khay aơ rnôk wa Chung Sye-kyun rlu kan nar 18/4 gay tâm rlong Tổng thống. Nar nđaơ 13/5 Quốc hội dak aơ lĕ ŭch săch gưl kan Thủ tướng n’hanh ôi aơ Tổng thống Moon Jae-in lĕ uănh an wa Kim Boo-Kyum ƀư thủ tướng Hàn Quốc. Wa Kim Boo-Kyum  mbra lah thủ tướng tal 3 đah n’gâng kan Tổng trhống Moon Jae-in. Ƀư tơm tâm rơh rƀŭn bôk năp rdâng đah srê Covid-19, wa Kim Boo-Kyum  mbơh an ƀư lor n’hanh ƀư ăp trong rchăng n’gang kaman. Nkre đă ƀon lan nsrôih tĭng ăp nău way n’hanh râng tâm bôk nău kan chuh ntŭk gŭ rêh.

Nuĭh rblang: Y Sưng Phê Ja