VOV4. M’nông: Ta rnôk ntơm pơk rơh hop tâl 11, Quốc hội khóa 14, Thủ tướng Nguyễn Xuân Phúc hŏ mbơh rblang si ƀŭt pah kan năm kan 2016- 2021 bah Chính phủ. Đah trong rƀŏng "Chính phủ nta trong dơh hun hao, kloh rvah, dâk kan lĕ n'hâm suan, rhŏ dŏng ƀon lan", năm kan rlău aơ, Chính phủ, Thủ tướng Chính phủ hŏ rgum rđău đă ăp gưl, ăp n'gâng kan tĭng ƀư lĕ n'hâm suan, ăp kôp, geh nău tam ăp rnoh tât kan, nău dơn kan, trong nkra ndơ̆ luh ta lĕ rngôch ăp trong kan.

Thủ tướng Nguyễn Xuân Phúc lah rjăp, Chính phủ rôih tĭng rnoh tât nău dơi đăp mpăn wăng sa têh, mât kân bah hao khlay ndơ, đăp mpăn nău dơi tâm pă tâm ban têh, nta trong dơh an ntrŭt ntrôl hun hao wăng sa, uănh aơ lah nău kan rgum tơm khlay tâm nău rđău đă ƀĭt juet. Lơn lah, Chính phủ, Thủ tướng Chính phủ hŏ nsrôih rđău đă an ƀư ăp kôp ăp trong nchrăp, nău dơn kan rgum tơm bah Ƀan rđău đă Trung ương mpeh njrăng, n'gang sa khâm. Nkra âk nău tih, sŏk mplơ̆ âk drăp ndơ n'hanh prăk kaih; njêng rmôt pah kan mha êng gay nkra dŭt bah âk nău lah phong, ntoch jong, krit jêr./.

Nuĭh rblang: Điểu Thân