VOV4.M’nông: Thủ tướng Nguyễn Xuân Phúc ƀư tơm nar pah kan đah rđau kan Thành uỷ Hà Nội. Aơ lah rơh tal 9 tâm năm kan aơ Thủ tướng pah kan, ƀư tơm ăp rơh rƀŭn đah Hà Nội gay djăt, rđau nau doh rklaih nau kol, nau jêr, kơl an Nkuăl ƀon têh hun hao lơn. 3 khay bôk năm aơ, nkuăl ƀon têh lŏ ƀư 2 nau kan ngăn nê lah nkre njrăng rdâng đah srê “rdâng srê kơt rdâng phung rlăng” ndrel ntrŭt dăng nau kan tăch rgâl. Dĭng lĕ ăp nau kan mpeh tuch tăm, tăch rgâl kŏ âo lơn rđi đah rơh aơ năm e.

Thủ tướng Nguyễn Xuân Phúc pah kan đah rđau kan Hà Nội

Ntoh nau ta nar pah kan, Thủ tướng Nguyễn Xuân Phúc lah kloh, Đảng, Ngih dak dŭt n’hâm uănh khlay nau kan hun hao bah Thủ đô ndrel nau nê geh ntoh tâm rơh rlau aơ hŏ djăt ndrel rklaih âk nau đă bah Hà Nội. Mpeh nau kan hun hao tâm rơh tât, Thủ tướng đă rjăp nau kan tơm mpeh văng sa chính trị, văn hoá, tâm n’ur lam ntur neh bah lam dak, Trung ương kơp rnơm Thủ đô. Yor ri, Hà Nội ân nsôih jêng Thủ đô geh nau ueh nâp, đăp mpăn, jăp dăng n’ăp ma drăp ndơ ndrel nuih n’hâm./.

Nŭih rblang: H’Thi