VOV4.M’nông: Lơ 21/3, n’gor Long An ƀư nau ntơm leo dŏng nkuăl công nghiệp mpông ndrâm dak Phước Đông. Ntŭk kan aơ geh rnoh hvi bơi tât 130 ha, tâm ntŭk trong nơih n’ăp ma trong jâng ndrel trong dak lêng, nthoi Quốc lộ 50, Nkuăl ƀon têh Hồ Chí Minh ndrel ăp n’gor Đồng Bằng sông Cửu Long. Tât râng ndrel ntoh nau ta nar rƀŭn, Thủ tướng Chính phủ Nguyễn Xuân Phúc kơp dơn, rnê prêh ăp nau nsôih, nau tă dơi geh rgum ntuh kơl bah rơh rlau aơ bah n’gor Long An.

Thủ tướng Chính phủ Nguyễn Xuân Phúc đă n’gor Long An ân geh pơk trong nơih, uănh khlay, doh rklaih ăp nau jêr, nau kol tâm ntŭk kan tăch rgâl, nŭih tơm ntuh kơl, ngăn lah tâm rnôk geh srê Covid-19. Thủ rướng đă n’gor Long An lŏ uănh khlay nau ntrŭnh hao kơt nau dôl geh, hun hao ân geh nau dơi đah ăp nkuăl ƀon têh ndrel ƀon lan, ân geh uănh dơn nau văng sa công nghiệp tơm khlay geh nau dơi rgum hun hao, uănh khlay nau hun hao nau kan công nghiệp prêh, nau kan kơl êng. Đah ăp nau kan tuch tăm, rgum kơt tĭng nau kan công nghệ prêh gay ma n’hao nau rêh ân ƀon lan./.

Nŭih rblang: H’Thi