VOV4.M’nông: Kêng măng 23/3, ta ntŭk kan Ntŭk kan Chính phủ, Thủ tướng Nguyễn Xuân Phúc vơt Ntoh măt nŭih kan dak Áo Thomas Schuller-Gotzburg ndrel wa Ingolr Schreder, Giám đốc rđau kan Công ty AT ndrel S dôl hăn joi ntŭk gay ntoh kơl ân nau kan công nghệ mhe têh. Thủ tướng Nguyễn Xuân Phúc rnê prêh wa Ingolf Schroeder ndrel ăp nŭih kan bah Công ty AT ndrel S hăn mĭn rvê ndrel ntuh kơl, tăch rgâl ta Việt Nam. Nŭih kan ntoh măt dak Á ntoh nau rnơm nau kan ma AT ndrel S ntrŭnh mra tâm di đah nau hun hao bah Việt Nam mpeh nau rgum nau kan ntuh kơl nau kan mhe. Aơ lah nau kan geh nau têh nklăp 1,5 rmen euro, rhum nklăp 6000 nŭih pah kan.  

Rnê ăp nau mbơh nbah AT ndrel S, Thủ tướng Nguyễn Xuân Phúc lah kloh, ăp nau kan ntuh kơl FDI kŏ geh nau dơi. Chính phủ Việt Nam pơk ăp trong nơih ân ăp nŭih ntuh kơl bah da dih lăp pah kan ân geh nau dơi ta Việt Nam. Thủ tướng ân lah, nau dơi mpeh ntŭk ntu tâm Thái Nguyên ndrel Nkuăl ƀon têh Hồ Chí Minh kŏ geh nau nơih ueh. Aơ kŏ lah rnôk ueh ân ăp ntŭk kan têh bah dak ba dih. Thủ tướng ŭch AT ndrel S ơm leo nau ntrŭnh ntuh kơl./.

Nŭih rblang: H’Thi