VOV4.M’nông – Kêng 17/3, ta ngih pah kan Chính phủ, Thủ tướng Nguyễn Xuân wơt Đại sứ Philippines Meynardo Los Banos Montealegre ôp rhơn. Thủ tướng Nguyễn Xuân Phúc mbah rhơn wa Meynardo Los Banos Montealegre lah Đại sứ Đặc mệnh toàn quyền bah Philippines ta Việt Nam n’hanh an gĭt, tâm ăp năm bah năp, tâm boh 2 dak hun hao uĕh ta âk ntil ngăn lah tâm nău kan trong dak lêng. Thủ tướng nkoch nsing nơm Đại sứ mbra geh nău kan lôch uĕh ta Việt Nam. Thủ tướng an gĭt Việt Nam aƀaơ dôl uănh nđôi srê Covid-19 n’hanh hao jêng wăng sa. Aơ lah nău dơh an hun hao wăng sa rêh jêng ta Việt Nam. Việt Nam uănh khlay tâm boh kan ndrel têh hvi đah Philippines, tâm nĕ tâm boh kan ndrel tâm nău kan trong dak lêng lah dŭt khlay. Thủ tướng đă 2 dak an ntrôl lơn tay tăch rgâl n’hanh ntuh kơl.

          Nŭih rblang: Y Sưng Phê Ja