VOV4.Mnông – Ôi 15/4, ta Ngih Chính phủ, Thủ tướng Phạm Minh Chính ƀư tơm rơh rƀŭn Chính phủ bôk năp jêh rnôk dơi uănh tay ta rơh rƀŭn tal 11 Quốc hội khóa 14 gay tâm nchră mpeh trong kan jao an nău kan jêh Chính phủ dơi uănh tay nuĭh kan, nău mĭn rƀŏng trong ntĭm rđau n’hanh du đêt nkô̆ nău khlay an rgum ntĭm rđau ƀư tĭng n’hanh mbơh nău kan bah Chính phủ khay tât.

Thủ tướng Phạm Minh Chính ƀư tơm rơh rƀŭn Chính phủ bôk năp jêh uănh tay

Ntoh ngơi ntơm rơh rƀŭn, Thủ tướng Phạm Minh Chính lah rjăp, aơ lah rơh rƀŭn bôk năp bah Chính phủ jêh dơi uănh tay, geh nkô̆ nău khlay. Thủ tướng Phạm Minh Chính nkoch nău kloh nău mĭn Chính phủ jêh dơi uănh tay an ntơm lăp kan, rgum mkra lôch ăp nău hôm e đah nuih n’hâm têh, ndăn ngăch, ndơ̆ an âk trong rƀŏng, mkra na nê̆, săk rnglăy gay mbơh ƀư dâl tâm ăp nău kan.

Nuĭh rblang: Y Sưng Phê Ja