VOV4.M’nông: Thủ tướng Phạm Minh Chính mhe lôch rơh hăn râng rƀŭn ăp Rđau kan ASEAN. Tâm 2 nar bah rơh hăn kan, Thủ tướng hŏ râng ndrel geh nau ntoh nau ngơi nkoch mbơh bah rđau kan ăp dak ASEAN mpeh nau kan ta My-an-mar ndrel nau dơi bah ASEAN. Thủ tướng lah rjăp tâm nau kan bah Uỷ viên mô rnâng kan ndrel dôl lah Kruanh Hội đồng Bảo an Liên hợp quốc tâm khay 4/2021, Việt Nam hŏ nsôih pơk trong ueh ngăn ân nau joi luh ăp ntrong kan tâm di ân My-an-mar. Thủ tướng đă ăp dak ASEAN tâm rgop ngăn đah ăp kơl nchră nau bah ASEAN tâm nau lŏ tât ndrel joi ăp nau kan tâm di ân My-an-mar. Tâm 2 nar pah kan ta In-don-e-sia, Thủ tướng hŏ geh âk nau tâm mâp bar ding đah ăp rđau kan ăp dak ASEAN, lŏ njoăl ăp rup gui ueh, tâm boh bah Rnâng kan rđau kan mhe bah Việt Nam tât rđau kan bah ăp dak tâm dăch tâm nkuăl./.

Nŭih rblang: H’Thi