VOV4.M’nông: Kêng măng 6/4, ta ntŭk kan Chính phủ, di rnôk wa Phạm Minh Chính geh săch đă ƀư Thủ tướng Chính phủ dak CHXHCN Việt Nam, Thủ tướng Chính phủ dak CHDCND Lào Phankham Viphavanh ndrel Thủ tướng dak Campuchia Hun sen hŏ kuăl điện rhơn. Thủ tướng Lào ndrel Thủ tướng Campuchia kŏ ntoh nau rnơm đah nau kan prêh bah Đảng, Ngih dak ndrel ƀon lan Việt Nam, Thủ tướng Phạm Minh Chính mra ƀư jêh nau kan geh jao, rđau kan Chính phủ Việt Nam geh dơi âk nau kan mhe tâm nau ndâk njêng ndrel hun hao neh dak, mô rlu n’hao prêh nau kan, nau dơi bah Việt Nam tâm nkuăl ndrel lam ntur neh.

Thủ tướng Phạm Minh Chính ndrel Thủ tướng Lào Phankham Viphavanh tâm ban nau n’hao nau prêh lơn tay nau săk bah bah nau tâm rgop đah bar Chính phủ, ƀư ân dơi nau ueh nau tâm nchrăp gưl prêh ndrel ăp nau tă geh bah Uỷ ban bar Chính phủ Việt Nam-Lào tal 43. Thủ tướng Phạm Minh chính ndrel Thủ tướng Campuchia Hun Sen kŏ tâm ban nau lŏ tâm rgop ngăn tâm ăp nau tâm nchră âk ding, ndrel ăp dak kan nsum êng mât ueh nau tâm boh ndrel ntrŭt dăng nau kan tơm khlay bah ASEAN./.

Nŭih rblang: H’Thi