VOV4. M’nông: Kêng măng 23/4, ta Nhih pah kan Tổng thống Cung Bogor ta Thủ đô Jakarta, Indonesia lor rnôk hăn râng Tâm nchră mha êng ăp kruanh rđău kan ASEAN, Thủ tướng Phạm Minh Chính hŏ tât khâl dơm Tổng thống Indonesia Joko Widodo.

Tổng thống Joko Widodo rhơn wơt n'hanh mbah rhơn Thủ tướng Phạm Minh Chính hŏ dơi Quốc hội nsing nơm sơch ƀư kruanh dŭt têh tâm Chính phủ. Thủ tướng Phạm Minh Chính rnê âk nău nsrôih bah Indonesia tâm rơh rdâng lơh Covid 19 n'hanh nsing nơm an lah Indonesia mbra rlău dơi ăp jêr jŏt; mât kân jăp nuh srê n'hanh hun hao wăng sa rêh jêng kon nuĭh; rƀŏng tât jêng dơi ngăn ngăn "Têh dơi Indonesia 2045". Thủ tướng Phạm Minh Chính nkoch đah Tổng thống Joko Widodo du đêt nău têh mpeh lôch geh Đại hội Đảng lam dak tâl 13 bah Việt Nam, ăp trong rƀŏng bah Trong nchrăp hun hao lvang năm 2021-2025 n'hanh uănh ngai tât 2030 - 2045 bah Việt Nam.

Nuĭh rblang: Điểu Thân