VOV4.M’nông: Lơ 9/5, Thủ tướng Chính phủ Phạm Minh Chính hŏ hăn mêt uănh nau kan njrăng, rdâng srê tâm ăp n’gor n’har bri mpeh ba lơ ndrel rgum rƀŭn trực tuyến ndak ntơm UBND n’gor Hậu Giang đah Rnâng kan rđau kan neh dak njrăng rdâng srê Covid-19, du đê̆ ntŭk kan ndrel rđau kan 6 n’gorr mpeh ba dâng. Tâm 10 nar rlau aơ, lam dak geh 257 nŭih ntưp srê Covid-19 tâm ƀon lan. Bah nau uănh ân saơ âk n’gor hôm thơ tha, mô njrăng rnôk ê geh srê bah n’gor, yơn tât rnôk srê tât ri ndrât ndal, ƀư âk nau kan hô ir. Lôch nar rƀŭn, Thủ tướng Phạm Minh Chính lah rjăp, lah geh srê tâm lam dak mra khuch tât đăp mpăn chính trị, n’hâm soan ƀon lan, tât rơh săch kan Quốc hội ndrel HDND ăp gưl, nau loch năm nti 2020-2021 mra jêr rdâng. Yor ri, ăp n’gor, rmôt kan ân lŏ njrăng, rdâng srê, rklaih nau khuch, mât đăp mpăn rnă njrăng, đăp mpăn nau rêh đah nau mĭn rđau kan, “ngăch, ngăch lơn tay, nsôih, nsôih lơn tay tay, nâp, nâl lơn tay, săk tam, săk tam lơn tay, geh nau dơi, geh nau dơi lơn tay”./.

Nŭih rblang: H’Thi