VOV4.M’nông: Nŭih dâk bôk ntŭk kan Chính phủ Thái Lan Pra-dút Cha-o-cha ndŏ nau kan chuh vắc xin gay ma njrăng rdâng srê Covid-19 ân 5 rkeh nŭih ta Thủ đô Bangkok ntơm rnôk aơ ân tât lôch khay 7 gay ma ŭch njrăng rdâng nau ntưp rêng bah srê. Ntoh nau ta nar rƀŭn chính phủ ăp pơh, Thủ tướng Thái Lan lah rjăp nau khlay mpeh nau kan chuh vắc xin tâm Thủ đô Bangkok, nkuăl ƀon têyh têh ngăn neh dak. Tĭng nau nchrăp, Thái Lan mra ntơm chuh ân ăp n’gor lơ 1/6. Yơn lah, ăp nŭih geh nau ji mhe âk ngăn ta Bangkok ri ma Thủ tướng ân ŭch kơl an nchrăp xét nghiệm ndrel chuh đah nkuăl ƀon têh têh ngăn neh dak. Êng nê, tâm lam Thái Lan, ăp nŭih ƀon lan nchrăp nar hăn chuh tâm điện thoại. Ăp nŭih ƀư nau kan mrta geh nau ntưp lor ri geh chuh lor./.

Nŭih rblang: H’Thi