VOV4. M’nông: Kêng măng ntri (2/4) ta nhih pah kan Chính phủ, wơt Đại sứ Hàn Quốc ta Việt Nam Park No Wan n'hanh Hiệp hội Doanh nghiệp Hàn Quốc ta Việt Nam, Hội Nuĭh Hàn Quốc ta Việt Nam, 5 tập đoàn công nghệ mhe dâk bôk năp bah Hàn Quốc tât joi gĭt săk geh n'hao dăng ntuh kơl tâm Việt Nam. Thủ tướng Nguyễn Xuân Phúc lah rjăp, đah Việt Nam, suan tơm lah nău n'glêh an, suan dăng bah dih lah nău khlay tâm hun hao wăng sa.

Thủ tướng nsing nơm an lah, tâm boh Việt Nam- Hàn Quốc nar lơn ma krêp dêh lhăt yor nău ntoh bah ăp tập đoàn wăng sa bah Hàn Quốc ta Việt Nam kơt Samsung, SK, Hanwha, Deawoo, Lotte n'hanh dŭt âk tập đoàn, doanh nghiệp êng ƀa ƀă. Chính phủ Việt Nam ŭch kơl tay n'hanh nta trong dơh an ăp tập đoàn, doanh nghiệp pơk hvi tay nău kan ntuh kơl, tăch rgâl ta Việt Nam. Thủ tướng an gĭt, bol dôl ma nuh srê COVID-19 yơn Việt Nam hôm nta trong dơh an ăp nuĭh rnâng kan, nuĭh ntuh kơl Hàn Quốc tâm Việt Nam wăng sa đah si ƀŭt ƀư dŭt dơh glêh đŏng./.

Nuĭh rblang: Điểu Thân