VOV4. M’nông: Kêng măng 18-3, ta nhih pah Chính phủ, Thủ tướng Nguyễn Xuân Phúc wơt Mpôl tâm boh wăng sa Việt Nam – ASEAN. Ta rơh mâp, ntơh măt ăp doanh nghiệp lăp kan nsum Mpôl tâm boh wăng sa Việt Nam - ASEAN  mpơl nău lah uĕh nău mât uănh, ntop kơl bah Chính phủ, ăp n’gâng kan, ăp n’gor tâm bah ri aơ nơh; uănh năl nău Chính phủ hŏ mât kân nuh srê Covid-19, nơm geh nê ma mât dơi nău kan ƀư njêng, tăch rgâl đăp mpăn tâm nô nău aƀaơ. Thủ tướng lah rjăp, Đảng, Ngih dak way nta trong dơh an nuĭh ƀon lan, doanh nghiệp hun  hao, mbluh aih trong kan, mât njrăng nău dơi tâm di bah nuĭh ƀon lan n’hanh doanh nghiệp. Thủ tướng mpŏng ăp doanh nghiệp lah nsum, ăp Mpôl tâm boh wăng sa Việt Nam – ASEAN lah êng, uănh khlay hun hao kloh uĕh, tăch rgâl kloh rvah, mât njrăng ntŭk gŭ rêh; rlăch ndăng sa khâm, khuch djơh./.

Nuĭh rblang: Điểu Thân