VOV4.M’nông: Lơ 22/3, Tổng Bí thư, Kruanh dak Nguyễn Phú Trọng geh tâm nchră đah điện thoại ndrel Kruanh Đảng Dân chủ Tự do, Thủ tướng Nhật Bản Suga Yoshihide. Tổng bí thư, Kruanh dak Nguyễn Phú Trọng lah ueh Đảng Dân chủ Tự do Nhật Bản hŏ njoăl điện rhơn tât nau dơi bah Đại hội XIII, lah ueh Kruanh Đảng Dân chủ Tự do, Thủ tướng Nhật Bản Suga Yoshihide hŏ kuăl điện thoại rhơn tât wa Tổng Bí thư, Kruanh dak Nguyễn Phú Trọng. Tổng Bí thư, Kruanh dak Nguyễn Phú Trọng lah rjăp, rơh rlau aơ nau tâm Boh Việt Nam-Nhật Bản kŏ kơt nau tâm boh đah Đảng Cộng sản Việt Nam ndrel Đảng Dân chủ Tự do Nhật Bản dôl geh nau hun hao ueh, lah rjăp, Việt Nam tâm ban nau uănh Nhật Bản lah dak kan nsum khlay bôk năp, jŏ jong, tâm rnơm ngăn, đă bar ding ân n’hao nau tâm n’ur, tâm mâp đah ăp gưl, đă Nhật Bản lŏ kơl an ân Việt Nam ƀư ân dơi nau kan, nau nchrăp hun hao văng sa, rêh jêng ma Đại hội XIII hŏ nchră luh, n’hao nau tâm nthoi đah 2 jâng văng sa./.

Nŭih rblang: H’Thi